‘The Boys’ leh ‘Call of Duty’ thawk dun dawn

Superhero thawnthu danglam tak, ‘The Boys’ leh mobile game lar ‘Call of Duty: Mobile’ chu an thawk dun dawn. He in-game collaboration hi ‘The Boys’ season 5-na, a season hnuhnung ber tur chhuah hma lawka kalpui tura ruahman a ni.

Sony Pictures Consumer Products chuan kumin nipuiah an thawh dunna hi ṭan tura ruahman a nih thu an puang a; hetah hian ‘The Boys’ thawnthu-a character lar pathumte chu ‘playable characters’ anga rawn luh tir an ni dawn a ni. Thawnthu nena inzawm ralthuam thar leh thil chi hrang hrangte pawh game-ah hian hmuh tur a awm bawk ang.

Sony Pictures Entertainment-a Worldwide Consumer Products EVP, Jamie Stevens chuan, "The Boys hi khawvel hmun hrang hrangah a lar hle a, superhero genre danglam tak a ni. Season hnuhnung ber pual hian kan fan-te tana hriatreng tur thil thar leh hmuhnawm kan buatsaih a ni," a ti. ‘The Boys’ hi tun hmain ‘Mortal Kombat 1’ nen an lo thawk dun tawh bawk.