Rock Hall nomination ballot-ah ex-Iron Maiden member hming belh

English heavy metal band, Iron Maiden frontman hlui, Blaze Bayley chu Rock & Roll Hall of Fame-a a band hlui nomination ballot-ah a hming an telh ve leh.

A hmain ballot-ah Bayley hming hi telh a ni lo a, rock leh metal fan hoin an sawisel nasa a, a hnuah telh a ni leh ta a ni. Iron Maiden band hi Hall of Fame-ah lak luh an nih chuan Bayley pawh a tel ve dawn ta a ni. Bruce Dickinson-a'n band a chhuahsan hnu, kum 1994 khan Bayley hian Iron Maiden hi a zawm a, a hmain Wolfsbane lead singer a ni ṭhin. Iron Maiden album pahnih, 1995-a tihchhuah The X Factor leh 1998-a chhuak, Virtual XI ah a zai hman a ni. Iron Maiden hi Rock & Roll Hall of Fame-ah hian kum 2021 leh 2023 khan nominate an lo ni tawh a, mahse lak luh zingah an la tel lo a ni.