Eurovision Song Contest Asia edition buatsaih dawn

Eurovision Song Contest chu a vawi khatna atan Asia edition buatsaih a ni dawn. Asia bial ram zingah South Korea, Thailand, Philippines, Cambodia, Laos, Bangladesh, Malaysia, Nepal, Bhutan leh Vietnam-te chuan an tel dawn tih an nemnghet tawh. Heng ramte hian kumin November 14-a live-a tihchhuah tur, Bangkok-a grand final neih hmain an ramah national selection an buatsaih hmasa ang.

Eurovision hi kum 1956-ah neih ṭan niin, international music competition hlun ber a ni. Kumin hi inelna an neih kum 70 tlinna niin, Asia-ah huang an zauh belh a ni. Hei hi Eurovision-in inelna huang an zauh vawikhatna a ni tawh lo a, kum 2022 khan American Song Contest buatsaihin US-a state 50 aiawhte an inel. He edition hi Snoop Dogg leh Kelly Clarkson-te chuan host-in, entu an tlem avangin neih chhunzawm a ni lo thung.