'Animal Friends' tlangzarh hun tur sawn hla

Live action- animated hybrid film, 'Animal Friends', kumin June 5-a tlangzarh tura ruahman chu nakkum January 22-ah tlangzarh tura sawn a ni tih Warner Bros. chuan a puang. Film-ah hian Canadian-American actor Ryan Reynolds chuan Pony character-ah a aw thawhin, American actor leh film producer Jason Momoa chuan Bear aw a thawh a ni.

Peter Antecio chu director niin, Aubrey Plaza, Addison Rae, Dan Levy, Lil Rey Howery leh Ellie Bamber-te chu character dang aw thawhtu zingah an tel. Screenplay hi Kevin Burrows leh Matt Mider-te kutchhuak a ni. Film hi Columbia kaltlangin kum kalta August 15-a tlangzarh tura tih niin, Warner Bros. hnuaia a awm hnuah kumin October 10-a tlangzarh tura tih a ni leh a, hemi hnuah May 1-ah sawn lehin June 5-ah an sawn leh bawk. Hemi hnu hian nakkum January 22-a tlangzarh tura tih a ni ta a ni.