Sawmtea Chhangte hnenah Doctorate Degree hlan

Union Biblical Seminary Yangoon & I-Hope University, USA- te chuan Mizo zaithiam Sawmtea Chhangte chu Zofate awmna khawvel hmun hrang hrangah, Zohnahthlak ṭawng hmanga rawng a bawlna leh Zofate inpumkhatna/in unauna atana rimawi hmanga theihtawpa ke a pen avangin 'Doctor of Music' degree chu Inrinni khan Bangkok-ah an hlan.

Sawmtea hi Pathian faka zaia rawngbawlna nei ṭhin a ni a, hei bakah Zofate inpumkhatna atan zai hmangin ke a pen a, khawvel hmun hrang hranga Zofate awmnaah rawngbawlna a nei ṭhin. Sawmtea chuan degree chu phu lo a intih thu sawiin, Pathian khawngaihna leh amah faka theihtawpa a zaina bakah hnam inpumkhatna atana hma a lak chhunte avanga dawng thei a nih thu a sawi.