MSC-in Thla awk lem lai thla inlaksiak buatsaih

Mizoram Science Centre bultumin March 3 khan kumin chhunga Thla awk lem hmasa ber chu a thla inlaksiakna buatsaih a ni a; mi ṭhahnem takin thlalak an theh lut. Thlalak thehlut aṭangin a ṭha zual pathum thlan chhuah niin, pakhatna lawmman dawngtu hi Vanlalpeka a ni, Rs 5,000 leh certificate a dawng.

Thla awk lem a thlen hian Ni leh Thla inkarah Lei a inzep tihna a ni a, Lei hlimthlaah Thla chu Lei a hel kualna lamah a tawlh lut ṭhin. Thla bial eng tak mai chu vawi leh khatah rawn thim tial tialin, hun rei lote chhungin a lan dan a rawn danglam ta ṭhin a ni. Thla awk lem, 'Lunar Eclipse' hi chi hrang hrang awmin Total, Partial leh Penumbral tia thliar hran a ni a, kumin March 3-a Thla awk lem kha total eclipse a ni. Total eclipse hi December 31, 2028-ah chauh a thleng leh dawn a ni.