Kevin McKidd leh Kim Raver-ten 'Grey's Anatomy' chawlhsan dawn

American medical drama TV series 'Grey's Anatomy' chu kumin May 7-a season 22 finale tihchhuah a nih zawhah veteran pahnih, Dr Owen Hunt leh Dr Teddy Altman lema chang, Kim Raver leh Kevin McKidd-te chuan series an chawlhsan tawh dawn.

'Grey's Anatomy' hi kum 2005 aṭangin tihchhuah a ni a, McKidd hi season 5-na aṭangin a inlan ṭan a, Raver hi kum 2010 khan series-ah hian a changtu nghet zingah a tel. Season 8-na tawp lamah Raver hian show hi a chhuahsan a, mahse season 14-ah guest angin a inlan leh a, Season 15-ah role pangngai neiin a chang zui leh bawk. McKidd leh Raver-te hian show an chawlhsan tawh dawn tih thutlukna siam mah se, 'Grey's Anatomy' star dangte ang bawkin an rawn kir leh rin a ni. Season 22-ah hian production tawp khar a ni. 'Grey's Anatomy' episode 18 awmna season hnuhnung berah hian episode pali tihchhuah tur a la awm a ni.