'World of Warcraft: 20 Years of Music' world tour nei dawn

'World of Warcraft' concert series chuan world tour an nei dawn tih Swiss concert production company, Helvepic chuan Thawhlehni khan a puang. Live concert 'World of Warcraft: 20 Years of Music' tih chu Blizzard Entertainment nen an thawh honain khawvel hmun hrang hrangah an nei dawn a ni.

Tour hi kumin September 10 hian Los Angeles-ah khuh hawn a ni dawn a; Paris, London leh hmun dangah concert neih chhunzawm a ni ang. Switzerland-a din concert series-ah hian symphonic orchestra, choir leh game visual projection pholan a ni dawn. Performance-ah hian darkar hnih chhung rimawi ngaihthlak tur a awm dawn a, franchise-a hla phuah lar ber berte pawh a tel dawn a ni. He thu hi Blizzard Entertainment-in kum 35 tlin lawmna an neih mek laia puan a ni. World tour nei tur hian Helpevic chuan SOHO Live leh ESK an thawhpui bawk.