British version Saturday Night Live host tur puang

Saturday Night Live (SNL) British version thar atana host hmasa ber tur puan a ni a, Tina Fey, Jamie Dornan leh Riz Ahmed-te ruat an ni. Tina Fey hian kumin March 21-a episode hmasa ber tihchhuah tur a host dawn a, musical guest tur chu Wet Leg an ni.

'Fifty Shades of Grey' leh 'The Tourist' film hmanga hriat lar, Jamie Dornan chuan karkhat hnuah show a host ve leh dawn a, Brit-award lo dawng tawh Wolf Alice band chu musical guest an ni ang. Episode instalment pathumna chu British actor Riz Ahmed-a'n a host dawn a, he hunah hian rock band Kasabian-te an perform dawn a ni. SNL UK series hi London aṭangin Pathianni apiangin live-a pekchhuah ṭhin a ni ang.