Academy Awards 2026 : 'One Battle After Another' in award 6 dawng

Academy of Motion Picture Arts and Sciences (AMPAS) buatsaih lemchan lama che ṭhate chawimawina pek ṭhin, 98th Academy Awards, Oscars tih bawk chu March 15, Pathianni zan khan Hollywood, Los Angeles-a Dolby Theatre-ah sem a ni. American black comedy action-thriller film, 'One Battle After Another' che ṭha berin award paruk a dawng. 'Sinners' star Michael B. Jordan chuan best actor award a dawng a, 'Hamnet' star Jessie Buckley chuan best actress atan thlan a ni bawk.

Kumin Academy Awards hi category 24-ah sem niin Conan O'Brien chu host a ni. Kum danga la thleng ngai lo, best live action short-ah film 'tie' an awm a, 'The Singers' leh 'Two People Exchanging Saliva' hnenah award hi hlan ve ve an ni.

Best Cinematography chu 'Sinners' film hmangin Autum Durald Arkapaw chuan a dawng a, hmeichhia zinga he award dawng thei hmasa ber niin, amah hi Black Filipino American a ni.

'KPop Demon Hunters' chuan best animated feature dawngin, film original song 'Golden' chu K-pop hla zinga Oscar dawng hmasa ber a ni. ‘KPop Demon Hunters’ singer Ejae chu hemi zan hian a perform bawk. 'Frankenstein' chuan award pathum - costume design, makeup and hairstyling leh production design-ah award a dawng bawk