Billionaire list-ah Dr. Dre a lang ta

American rapper leh record producer, Dr. Dre chuan kum 12 dawn hip-hop huang chhunga billionaire hmasa ber a nih thu a lo sawi fo tawh hnuah, Forbes' 2026 Billionaire list-ah a hming a lang ve ta. Kum 2014-a Dre leh Jimmy Iovine-ten Beats by Dre business Apple hnena USD tld 3 a an hralh hnuah Dre chuan Forbes list update a ngai tih a lo sawi tawh a ni.

Dre hi khawvela mi hausa list-ah hian 3332-na a ni. Beyoncé pawh billionaire a nihna thla eng emaw zat liam ta khan puan ni tawh mah se, list-ah hian dah thar a ni. Dre hi musician zinga Forbes list-a dah thar parukna niin, Beyoncé leh Jay-Z, Taylor Swift, Bruce Springsteen leh Rihanna-te an lang bawk.

Elon Musk chu a kum zawnin Billionaire list-ah hian pakhatnaah lang lehin, a hausakna hi USD tld 839 a ni. Musk hi USD tld 800 nei tling thei hmasa ber niin, khawvela trillionaire hmasa ber ni thei turin ke a pen zel a ni.