ENHYPEN fan-ten Heeseung group-a a let leh an phut

South Korean boy band ENHYPEN member Heeseung-a'n group a chhuahsan tih an agency, Belift Lab-in March 10-a a puan hnuah, fan tam tak chuan thutlukna chu thlak danglam leh turin an ngen. Fan-te chuan social media kaltlangin lungawi lohna an lantir a, Belift Lab chu a thutlukna ngaihtuah ṭha leh turin an phut. Belift parent company, HYBE building kawtah protest truck tam tham tak an din tir a, fan ṭhahnem tak an pungkhawm bawk.

Heeseung chu group main vocalist a ni a, hla tam takah chanvo pawimawh tak a nei tih an tarlang. ENHYPEN live performance quality khaidingtu pawimawh tak a ni tih tarlangin, fan-te chuan group chhuahsan tura thutlukna a siam chu hriatthiam har an tih thu leh, company lamin a nawrna vang zawk nia an ngaih thu an sawi. Group chhuahsan kher loa solo activity a neih phalsak turin an phut. International fan-te pawhin online petition siamin nimin tlai lam thleng khan mi nuai 7 chuang signature an la khawm tawh a ni.