Jungkook hla 'Seven' in Billboard Global 200-ah record siam

South Korean boy band BTS member, Jungkook hla 'Seven' chuan Billboard global charts-ah record a siam. Billboard-in March 7-a chart a tihchhuahah, 'Seven' hi Global 200 chart-ah No.160 ah a awm a, a zawnin kar 134 chhung chart-ah hian lang tawhin Asian group leh solo artist zinga Global 200 chart-a lang rei ber record a siam a ni.

He hla hi Global Excl. U.S. chart-ah pawh No.75 ah awmin, a zawna kar 137 chhung a lanna a nih bakah, Asian solo artist zinga chart-a lang rei ber record a siam bawk. 'Seven' hi kar hmasa chhung khan ranking-ah a che ṭha hle a, Global 200-ah 32-ah kai chhoin, Global Excl-ah 28-ah a kai chho bawk. A hla hi a tihchhuahna rei tawh mah se, stream a pun bakah khawvel hmun hrang hranga a fan-te aṭangin ngainat a hlawh chhunzawm zel a ni. A hla dang 'Please Don't Change' chu Billboard Dance Digital Song Sales chart-ah No. 3 a ni bawk.