'Alpha' tlangzarh hun tur puang

Bollywood spy-thriller Alia Bhatt leh Sarvari-te channa, 'Alpha' chu Netflix nen OTT deal Rs vbc 215 an siam avangin theatre-ah tlangzarh a ni dawn lo tih thuthang a awm hnuah, film siamtu Yash Raj Films chuan thudik lo a nih thu sawiin, kumin July 10-ah tlangzarh a ni dawn tih an puang. Film hi Netflix-ah direct-a tlangzarh a ni dawn nia sawi a ni a, hei hi YRF chuan thudik lo a nih thu leh an film-te chu direct-a stream atan ruahmanna an siam ngai lo tih a tarlang.

Alia Bhatt chuan a Instagram story-ah film tlangzarh hun tur hi tarlangin, YRF pawhin nimina an official post-ah an pholang ve bawk. 'Alpha' hi YRF Spy Universe zinga mi a ni a, franchise-a film dang hlawhtling tak takte chu; 'Ek Tha Tiger', 'Tiger Zinda Hai', 'War', 'Pathaan', 'Tiger 3' leh 'War 2' te an ni. YRF Spy Universe-a film tihchhuah tawhah a changtu ber atan mipa hman ṭhin a ni a, 'Alpha' ah hian a vawi khatna atan a changtu ber atan hmeichhia hman an ni thung.