TXT-in '2026 TXT MOA CON' neih hun tur puang

South Korean boy band TOMORROW X TOGETHER chuan an anniversary concert, '2026 TXT MOA CON' Japan-a an neih hun tur an puang am, Weverse kaltlangin an nei dawn tih an sawi.

Tour hi kumin May 23 leh 24-ah Aichi-ah khuh hawn a ni dawn a, May 27 leh 28-ah Chiba-ah show neih chhunzawmin, June 16 leh 17-ah Fukuoka leh June 23 leh 24-ah Hyogo-ah an concert dawn a ni. TOMORROW X TOGETHER hian kumin February 27 khan Seoul-a KSPO DOME, Olympic Park, Songpagu-ah '2026 TXT MOA CON' ni thum chhung an lo nei tawh a ni.

Seoul-a show an neihah hian member-te chuan kum sarih chhunga an rimawi zinkawng chanchin tarlangin, live band performance an nei nghal bawk. Concert-ah hian mi 33,000 vel an pungkhawm a, member-te hian an solo hla an sak bakah cover performance hrang hrang an nei. TXT hian kumin April 13-ah an mini album pariatna, '7TH YEAR: When the Wind Paused Briefly in the Thorn Bush' tih an tlangzarh dawn bawk.