MZI Inter College Beat Contest winner HBC 'B4U'

Mizo Zaimi Inzawmkhawm (MZI) General headquarters-in a buatsaih, Inter College Beat Contest Grand Finale chu March 4 & 5 khan Vanapa Hall-ah neih a ni a, Govt. Hrangbana College (HBC) aiawh, "B4U" band chu pakhatna an ni. Govt. Aizawl College aiawh "Oh My Evolution" band leh Govt. Aizawl North College aiawhte chu Runner-Up an ni ve thung.

Final-ah hian College hrang hrang aiawh band 12-te chuan band ṭha ber ni turin inelna an hmachhawn a, final lut zingah Govt. Aizawl College leh PUC aṭangin band pahnih an tel.

MZI Inter College Beat Contest-a pakhatna hian lawmman Rs. 1,00,000 leh certificate an dawng a, Runers-Up-te hnenah hian Rs. 50,000 leh Certificate hlan an ni. Finalist zawng zawng hnenah Rs 5,000 ṭheuh hlan an ni bawk.