'Sonic 4' production buaipui ṭan

'Sonic the Hedgehog 4' chu production buaipui ṭan a ni tih director Jeff Fowler chuan a social media-ah Thawhṭanni khan a pholang. Sega video game adaptation hi Paramount Pictures chuan nakkum March 19-ah theater-ah tlangzarh turin a ruahman. Hei bakah hian franchise-a untitled film chu kum 2028 tawp lamah theater-ah tlangzarh a ni bawk ang.

'Sonic the Hedgehog' ah hian Ben Schwartz, Idris Elba, Jim Carrey, James Marsden leh Tika Sumpter-te chu voice actor niin, movie palina hi Neal H. Moritz, Toby Ascher leh Toru Nakahara-te chuan an produce dawn a ni.

'Sonic the Hedgehog 3' khan kum 2024-ah theatre-ah tlangzarh a ni a, global box office-ah USD mtd 490 a la lut tling a ni. 'Sonic the Hedgehog' hmasa ber kha kum 2020-ah tlangzarh niin, Paramount+ ah hian 'Knuckles' series tihchhuah a ni bawk.