DoD-in ChatGPT an thawhpui hnuah app delete tu an pung

US kutchhuak OpenAI app lar ChatGPT leh US Department of Defence, tuna Department of War tih takin an thawh dunna an puan hnuah app hmangtu eng emaw zatin an uninstall nasa hle tih market intelligence Sensor Tower chuan a tarlang. ChatGPT uninstall rate hi 295% tling phain, ni 30 chhunga uninstall-tu punna hi 9% a tling .

Hetih laiin OpenAI khingpui AI Anthropic Claude erawh hmangtu an pung ve thung a, Anthropic hmangtu punna hi 51% a tling pha. Hmangtu punna hi company-in AI chu ralthuam anga hman rem an tih loh avang leh US defence department thawhpui an duh loh thu an puanzar hnuah a ni ve thung.

ChatGPT leh DoD thawh dunna hian app download a nghawng mai bakah user te'n app rating Five-star an pek chu 50% laiin a tlahniam zui bawk.