Antarctica-ah 'Varanasi' filming nei dawn

Indian filmmaker leh screenwriter SS Rajamouli film, 'Varanasi' chu Antartica-ah filming neih a ni dawn. Film-ah hian Mahesh Babu, Priyanka Chopra leh Prithviraj-te changin, Indian cinema zinga Antarctica-a filming an neih vawikhatna tur a ni. He thu hi Priyanka chuan a social media-ah film a chanpui Mahesh Babu nen an tarlang a ni.

'Varanasi' hi Indian film zinga Antarctica-a chan hmasak ber tur niin, Antarctica-ah hian ram dang film panga - 'The Thing', 'Eight Elbow', 'Encounters at the End of the World' leh 'Antarctica: A Year on Ice' te chan a lo ni tawh a ni. Tun hnaia The Tonight Show-a Chopra inlan ṭumin, thla 14 filming an neih tawh thu leh, production zo fel turin thla ruk dang filming neih a la ngai tih a lo sawi tawh a, he film hi nakkum April-a tlangzarh tura ruahman a ni.