Kuminah "When We Were Young" festival buatsaih dawn lo

Kumtina Las Vegas-a neih ṭhin, "When We Were Young" music festival chu kuminah neih a ni dawn lo tih a buatsaihtute chuan Zirtawpni khan an puang a, buatsaih a nih loh chhan an sawi lang lo.

When We Were Young festival hi kum 2017 khan Santa Ana, CA Observatory-ah neih ṭan niin, kum 2022-ah a vawi hnihna atan Las Vegas-ah neih chhunzawm a ni a, hemi aṭang hian kum 2025 thleng kumtin buatsaih ṭhin a ni. Festival hi concert ngainate leh millenial-ten an ngaihlu hle a, band leh artist-te chuan an full album an perform ṭhin a ni. Kum kalta festival-ah khan Blink-182 leh Panic! at the Disco-te chu headline an ni.