Google-in Nano Banana 2 model tlangzarh

Khawvel huapa multinational technology company lian, Google chuan nimin khan thlalak siam tir theihna model thar, Nano Banana 2 tlangzarh a nih thu an puang. Model thar hi Gemini 3.1 Flash Image niin, thlalak hrang hrang mahni duh dana siam tir theihna a ni a, Gemini app tana default a hman a nih bakah model hmasa aiin a rang zawk dawn bawk a ni.

Nano Banana hi kum 2025 August khan tlangzarh ṭan a ni a, Gemini app kaltlang hian thlalak maktaduai chuang siam chhuah a ni tawh. Company hian Nano Banana tihhmasawnna, thlalak fiah leh atak ang zawka siam theihna Pro version chu nikum November khan a siam a ni.

Nano Banana 2 hian thawnthu sawinaa pui tur, thupui vawng reng chungin character panga thleng leh object 14 thleng buai miah loin a siam thei dawn a ni. Google chuan hmanrua hmangtute hian thil harsa leh chipchiar tak tak lem pawh Nano Banana hi an siamtir tir thei dawn a, a thil siamte hi a kimchangin a mawi zawk a, a tak a angin a fiah zawk bawk niin a tarlang.