Rainbow Six Mobile India-ah tlangzarh hmasa ber

Game developer lian Ubisoft chuan an hnuaia siam Rainbow Six mobile version chu khawvel huapa a hmasa ber turin India-ah a tlangzarh hmasa ber. He first person shooter game hi February 19 khan India ram tan bik mobile version hi tlangzarh a ni. Rainbow Six Mobile version hi February 23 khan khawvel puma khelh theih turin tlangzarh a ni tawh bawk.

Ubisoft lam hian India-a tlangzarh hmasakna chhan chu, khawvel huapa mobile esport kheltu tamna a nih vang tih an tarlang. India hi khawvel huapin mobile gaming leh esports industry ṭhan nasatna zingah a tel mek a ni. Zirchianna aṭanga a lan danin, mi maktaduai 500 chuangte chu mobile hmanga games khel ṭhin an ni a, Ubisoft pawhin Rainbow Six tlangzarh hmasakna atana an thlan chhan a ni.

Rainbow Six Mobile hian shooter game dang aiin player-te tan tactical gameplay a nei ṭha zawk a, tun dinhmunah India market-ah hian shooting game ho hi an che ṭha hle bawk. Hetih laiin India-ah hian KRAFTON kut chhuak Battlegrounds Mobile India (BGMI) chu kheltu tam ber a ni mek thung.