Kumin Met Gala dress code tur puang

Fashion magazine Vogue chuan February 23, Thawhṭanni khan May 4-a Met Gala neih tur atan dress code puangin, kumina Metropolitan Museum of Art spring exhibition-a 'Costume of Art' tih thupui pholang thei 'Fashion is Art' tih theme hman a ni dawn. Eng angin nge designer-ten an rawn duan chhuah leh dawn tih hmuh a chakawm tawh hle. Kumin Gala-ah hian Beyoncé, Nicole Kidman, Venus Williams leh Anna Wintour-te chu co-chair atan ruat an ni.

Museum curator Andrew Bolton chuan, kumin November thlaa exhibition neih turah Costume institute, sq ft 12,000 a zau Condé M. Nast Galleries chu The Met's Great Hall bulah hawn a ni dawn tih a sawi. Bolton chuan an department leh fashion tan inthlak danglamna ropui tak a ni dawn tih a sawi bawk. Costume Art exhibition hi kumin May 10 aṭanga nakkum January 10 thleng neih tur a ni a, Bolton chuan theme pathum hmangin a buatsaih dawn a ni.