BAFTA film award sem; Manipuri film 'Boong' in award dawng

British Academy Film Awards (BAFTA) vawi 79-na chu February 22, Pathianni zan khan London Southbank Centre-a Royal Festival Hall-ah sem a ni. Ceremony hi a vawikhatna atan Alan Cumming-a'n a host a ni.

Kumin BAFTA-ah hian American black comedy action-thriller, 'One Battle After Another' a che ṭha hle a, award paruk dawngin best film leh best director award a dawng tel. Ryan Coogler film 'Sinners' chuan award pathum a dawng bawk. Biographical period film 'Hamnet' chuan outstanding Bristish film dawngin, he film-a changtu ber Jessie Buckley chuan best actress a dawng bawk.

BAFTA-ah hian a vawi khatna atan Indian film, 'Boong' chuan best children and family film category-ah award a dawng. He Manipuri film hi Laskhmipriya Devi direct a ni a, Indian actor leh filmmaker Farhan Akhtar chuan film siam kawngah nasa takin a pui bawk. 'Boong' hian kum 2024-a Toronto International Film Festival-a premiere a nih hnuah ngaihven a hlawh nghal hle.