Lehkhabu bawm: 'KHUALZIN' lehkhabu tlangzarh

Joel Lalbiakkima ziah, KHUALZIN lehkhabu chu kumin February 20 Zirtawpni khan Prof. Rualkhuma Colney, Acting President, MAL chuan a tlangzarh. Lehkhabu thlir lawkna hun hmangtu Lalrammawia Ngente chuan, "He lehkhabu hi ngaihnawm, ṭangkai, finnaa khat, beng tivar leh mite fuihtu a ni a, science thiamna leh mihringte inlaichinna a sawh nghetin min hnuk hnai a, thui tak science zir ve lote tan pawh ngaihnawm ti taka chhiar theih a ni" tiin KHUALZIN chungchang a sawi.

He lehkhabu chhungah hian thupui hlawm thum a awm a; Universe huanga zawhna ṭhenkhat (time travel, alien, asteroids, dark matter, Bible leh Science, etc.), Artificial Intelligence sulhnu leh hmathlir, India Science Mission tihte a ni.

Synod bookroom branch hrang hrangah leh Lianchhungi Book Store, El Pee Book Store, Book Cafe, RL Nutei Book Store ah te lei tur a awm. Mizo kutchhuak lehkhabu zawrhna thar (online) CHHUAR - www.chhuar.com ah lei theih a ni bawk.