Miss Mizoram 2026 thlanna neih a hnai ta

ZONET TV Pvt Ltd chuan Mizoram Journalists' Association thawh puiin Miss Mizoram 2026 thlanna a buatsaih leh dawn a, hemi atana inbuatsaihna pawh a hmawr bawk a hnai ta. Miss Mizoram thlannaah hian College hrang hrang aṭanga Miss thlante chu an tel duh a nih chuan direct entry hmanga tel phalsak an ni. March 4-ah audition neih a ni dawn a, audition result hi March 5-ah an puang nghal ang.

Miss thlannaah hian college hrang hrang miss-ten direct entry an neih angin heng college PUC, GAC, T.Romana, Aizawl West College, Zirtiri College, Govt. Johnson College, leh Aizawl North College-te aṭangin College Miss te hi an tel dawn tih tihchian a ni tawh. Miss Mizoram thlannaah hian College Miss bakah district Miss-te chu final contest-ah an tling nghal bawk.

Kum dang ang bawkin round hrang hrangah inelna neih a ni leh dawn a, April 21-ah 'Subtitle Night' neih a ni ang. Miss Mizoram thlanna atana round hrang hrang kalpui dan tur pawh tihfel tawh niin, April 24 ah Grand Finale chu R. Dengṭhuama Hall-ah neih a ni dawn a Miss thlan hian thla hnih chhung a awh dawn a ni.