'Hello Kitty' comic book tlangzarh dawn

'Hello Kitty' comic book thar chu Japanese entertainment company, Sanrio leh IDW Publishing thawk dun chuan an tichhuak dawn a, 'Hello Kitty: Hello World' series chu kumin July 22 hian San Diego Comic Con-ah tlangzarh a ni ang.

Sanrio leh IDW chuan comic book-ah hian Hello Kitty leh a ṭhiante chu khawvel puma hun harsa hmachhawn mekte titawp turin an che chhuak dawn a, hun khirhkhan tak tak an hmachhawn rual hian character thar an tawng zel dawn niin a sawi. 'Hello Kitty: Hello World' series hi Mariko Tamaki ziah a ni a, artist Cosy Lemieux chuan a animation a siam thung a ni. Comic book tlangzarh a nih hnuah IDW Publishing chuan nakkumah crossover ṭhenkhat a tlangzarh leh dawn bawk.

Hello Kitty brand hian Sanrio-in kum 1974-a character an tlangzarh aṭangin ngaihven a hlawh hle a, merch leh media project hrang hrang pawh a ṭhang lian chak hle. Warner Bros. Pictures Animation leh New Line Cinema chuan kum 2028 July thlaah feature film an tlangzarh bawk ang.