'Porto Rico' film-a changtupa tur Bad Bunny

Puerto Rican rapper leh singer, Bad Bunny chu a vawi khatna atan historical drama 'Porto Rico' ah a changtupa a ni dawn. Bunny hi Brad Pitt channa 'Bullet Train' leh Darren Aronofsky direct 'Caught Stealing' ah a lo inlan tawh bawk.

'Porto Rico' hi Grammy award lo dawng tawh Puerto Rican rapper René Pérez Joglar chuan a direct dawn a, Edward Norton, Javier Bardem leh Viggo Mortensen-te pawh an chang dawn a, Puerto Rico-a thil thleng tak tak behchhana siam tur niin a thawnthu kalhmang erawh puanzar a la ni lo thung. Script hi Pérez Joglar leh Alexander Dinelaris-te ziah niin, Alejandro González Iñárritu chu executive producer a ni.