U.K. leh Ireland-ah 'Kokuho' tlangzarh dawn

Multinational cinema holding company, Vue Lumière chuan Japan-a live-action film sum la lut hnem ber 'Kokuho' chu U.K. leh Ireland-ah kumin April 3 hian a tlangzarh dawn. Film hi Lee Sang-il direct a ni a, screenplay hi Oludrea Satoko kut chhuak niin, Japan-ah hian tlangzarh a nih aṭangin USD mtd 125 a la lut tawh a ni.

Film hian Academy Awards vawi 98-naah best make-up and hairstyling-ah nomination a hmu a ni. Kum kalta khan Cannes Film Festival-ah premiere a ni a, U.K. leh Ireland-a tlangzarh a nih hmain kumin March 1-2 hian Glasglow Film Festival-ah tihchhuah a ni dawn a, March 1-ah Dublin International Film Festival-ah tihchhuah a ni bawk ang.

Kum 2018-a Yoshida Shuichi novel behchhana siam niin, kum 1964 hunlai anga chan a ni. A changtute zingah Yoshizawa Ryo, Yokohama Ryusei, Takahata Mitsuki, Terajima Shinobu, Tanaka Min leh Ken Watanabe-te an tel.