Rock & Roll Hall of Fame-ah Hip-Hop music a tel lo - Gene Simmons

American rock band, KISS frontman Gene Simmons chuan rap leh hip-hop artist-ten Rock & Roll Hall of Fame-ah hmun an chang lo tih LegendsNleaders podcast interview-ah a sawi.

Simmons chuan hip-hop bakah opera, symphony leh orchestra-te pawh Rock & Roll Hall of Fame-ah hmun an chang lo tih a sawi bawk. KISS hi kum 2014 khan Rock & Roll Hall of Fame-ah lak luh an ni a, kum hnih hnuah Ice Cube rap group N.W.A. chu lak luh an ni ve leh bawk. Rap artist lak luh zingah Eminem leh Jay-Z-te pawh an tel a ni. Hemi chungchangah hian KISS frontman chuan hip-hop leh rap chu spoken word art a nih thu sawiin, rock music nen a inpersan hle thu a sawi. Rock & Roll Hall of Fame-a hip-hop artist-te lak luh tel an ni chu a lawm lo hle. Music chuan label an nei vek a ni tiin, "Hetiang a nih chuan engtikah nge Hip-Hop Hall of Fame-ah Led Zeppelin an lak luh ve ang,?" tiin zawhna a siam zui bawk.