F1 sequel siam leh dawn

American sports drama film, Brad Pitt channa 'F1' sequel siam leh a ni dawn tih film producer Jerry Bruckheimer chuan a sawi. Film-ah hian world champion vawi sarih lo ni tawh Lewis Hamilton chu co-producer a ni a, Pitt hi veteran driver Sonny Hayes lemah a chang a ni.

Film sequel siam leh tur chungchang hi thla eng emaw zat liam ta aṭang khan thuthang a lo awm tawh a, mahse nemnghehna tak a la awm lo thung. Thawhlehnia Los Angeles-a Academy Awards neihah Bruckheimer chuan a sequel siam tur hian hma an la mek tih a sawi. Producer chuan project timeline leh a changtu turte a la sawi lo a, Pitt hian a role ngai a chang leh dawn em tih pawh a sawilang lo. Kum kalta nipui laia tlangzarh, 'F1' hian khawvel pumah USD mtd 630 a la lut a, Apple Original Films-in theatre-a film a tlangzarh tawh zinga hlawhtling ber pawl a tling pha.