Chappell Roan-i'n talent agency chhuahsan

American singer-songwriter Chappell Roan chuan talent agency, Wasserman CEO Casey Wasserman chu Epstein file-a a hming a lan hnuah, he agency hi a chhuahsan tih a sawi.

Wasserman hi Epstein file-ah hian kum 2003-a Ghislaine Maxwell hnena email a thawn chungchang tarlan a nih avangin sawisel a hlawh nasa hle. Roan hian instagram-a agency a chhuahsan thu a tarlannaah Epstein emaw Epstein file lam sawilan a nei lo thung. Tun aṭang chuan Wasserman enkawl agency chuan a represent tawh dawn lo tih tarlangin, artist, agent leh hnathawkte chu an hlutna tichhe thei tura mi dang pawikhawihna humhim turin an beisei tur a ni lo, a ti.

Wasserman hi Los Angeles 2028 Olympic Games chairman a ni bawk a, Epstein file-a a hming a lan ve tak avangin a nihna aṭang hian a bang tawh bawk a ni. Maxwell nen email an lo inthawn chu pawi a tih thu sawiin, Maxwell hi Epstein-a'n mipat hmeichhiatna hmanpui tura hmeichhe tleirawl a lakluh leh hralh an nih chungchangah a inhnamhnawih avangin kum 20 chhung lung in tang tura hrem a ni.