BOYNEXTDOOR-in 'OPEN THE DREAM DOOR' campaign kalpui

South Korean boy band, BOYNEXTDOOR chuan Save the Children an thawhpuina hnuaiah naupang venhimna atan 'OPEN THE DREAM DOOR' campaign an kalpui.

Kumin February 10 khan BOYNEXTDOOR member Sungho, Riwoo, Myung Jaehyun, Taesan, Leehan, Woonhak-te chuan 'OPEN THE DREAM DOOR' campaign chu an social media channel kaltlangin Save the Children an thawhpuina hnuaiah an kalpui tih an tarlang a ni. Save the Children pawhin an official homepage-ah campaign hi an kalpui tih an tarlang ve bawk.

BOYNEXTDOOR chuan an agency, KOZ Entertainment kaltlangin an fan ONEDOOR-te nen campaign awmze nei leh hlu tak an kalpui thei chu lawmawm an tih thu an sawi. Naupangte hma hun leh an ṭhanlenna kawnga pui turin mipui an sawm nghal bawk.

'OPEN THE DREAM DOOR' hi BOYNEXTDOOR-in donation an siam aṭanga kalpui a ni a, campaign hmang hian naupangte an mut ṭhat a, taksa leh rilru lama hmasawnna an neih theihna turin puihbawmna pek an tum a ni. Homepage kaltlanga diltu zinga mi 1,000 vel chu lottery hmangin DIY sleep vest kit dawng tur thlan an ni ang.