NASA astronaut-ten mission-ah phone keng thei tawh dawn

NASA astronaut-te chuan van thengrenga an zin hunah an cell phone-te an keng tel thei tawh dawn tih NASA administrator Jared Isaacman chuan X kaltlangin a tarlang. Kalphung thar hi Crew-12 leh Artemis II mission neih tur aṭangin ṭan a ni dawn a, astronaut-te chuan khawvel pawn aṭangin selfie an nei thei tawh dawn tihna a ni.

Kalphung thar hmanna tur Crew-12-te hi kar lehah hian International Space Station-ah an inkap kai dawn a, hetih laiin mission nghahhlelhawm tak Artemis II mission erawh March thlaah tihkhawtlai a ni leh thung. Artemis II mission-ah hian kum 1960 hnua a vawi khatna turin thla (Moon) leilung chu mihring telin hel kual tuma inbuatsaih mek a ni bawk.

Hetih laiin van thengrenga smart phone ken hi a vawikhatna tur a ni lo a, Elon Musk enkawl SpaceX chuan an hnuaia private astronaut mission neih ṭhinah smartphone ken an lo phal sak tawh ṭhin a ni.