Chelsea Winger Mudryk CS2 khel thei lo turin ban

Ukraine leh Chelsea player, Mykhailo Mudryk chu FA-in kum 2024 December-a metabolic modulator, taksa tihchakna atana hman chi, World Anti-Doping Agency(WADA) in a phal loh damdawi a hman avanga kum li chhung inkhel thei lo tura a hrem hnuah, Esport game lar Counter Stike 2 (CS2) in elna platform FACEIT chuan thla khat chhung khel thei lo turin a hrem zui ve leh.

Mudryk hian CS2 a khelhpui Polish player nen inhnial buaiin, a khelhpui pa hian "Football khel rawh, damdawi ti loin" tiin a lo fiam a, hemi hnu hian Mudryk hian Indopui pahnihna hun laia Ukraine leh Poland inkar buaina chhuakin a nghawng 'Volyn Massacres' an tih, hnam insuatna chungchang a chhak chhuak zui a, hei vang hian gaming platform FACEIT chuan "Toxicity" case-in an hrem ve leh ta a ni.