'American Idol' Disney+ ah live dawn

American singing competition TV series, 'American Idol' chu a vawi khatna atan ABC bakah Disney+ ah live a ni dawn. Hemi piah lamah Disney+ leh Hulu chuan 'American Idol' Official Podcast an tlangzarh bawk. Video podcast hi kumin March 30-a 'American Idol' live show neih ṭan a nih rualin premiere a ni ang.

'American Idol' Official Podcast hi Diney+ leh Hulu bakah, podcasting platform dangah tihchhuah a ni dawn bawk a, host tur leh kalpui a nih dan tur kimchang chu an la puang lo thung. Podcast hian kartin music competition series chu a belchiang dawn a, performance bakah interview, behind-the-scene leh judge-te chungchanga mithiamte thlirletna en tur a awm dawn a ni. Kumin 'American Idol' hi Ryan Seacrest-a'n a host leh dawn a, Carrie Underwood, Luke Bryan leh Lionel Richie-te chu judge an ni.