Fan-te duh ber Melanie Martinez ‘POSSESSION’

Billboard-in kar hmasa chhunga rimawi chhuak thar zinga fan-te duhber thlanna poll a buatsaihah American singer leh songwriter, Melanie Martinez single thar "Possession" chu fan-te'n an duh ber atan an thlang. Possession hla hian poll-a vote tla zawng zawng aṭangin 80.21% zet a hmu tling thei a ni.

Poll-a langte hi an hrawl hlawm hle a, American singer - songwriter legend tih theih Bruce Springsteen single thar, ICE ho a beihna hla 'Streets of Mineapolis' bakah Cannon leh Labrinth-te pawh an hla thar hmangin poll-ah hian lang ve bawk mah se Martinez hi an tluk zo ta lo.

Bruce Springsteen hian a hla thar "Streets of Minneapolis" hmang hian vote 8.95% a hmu phak a, tunlai US thil thleng mila siam ni mah se 'Possession' erawh a pha lo viau. Cannons hla thar 'Starlight' pawhin vote thla 6.28% hmu ve bawkin poll-ah hian pathumnaah a lang.