Pakistan-ah 'Dhurandhar' che ṭha

Indian spy action thriller, kum kalta December 5-a tlangzarh, 'Dhurandhar' chu Indian film zinga ram chhung leh ram pawn box office-a hlawhtling ber pawl a ni ta. Film hi Middle East leh Pakistan-ah tlangzarh ni lo mah se, ram pawnah USD mtd 33 a la lut tling tho. Film distributor chuan heng market-ah hian tlangzarh a nih loh avangin thla hmasa khan USD mtd 10 an hloh tih a tarlang.

Film hi Netflix-in khawvel puma a tlangzarh hnuah, Pakistan Netflix-ah number 1-ah a trending nghal bawk a ni. Netflix Pakistan-a Dhurandhar #1 tih screenshot chu kar liamta khan social media-ah a darh chak hle. Film hi theatre-a tlangzarh a nih aṭanga kar riat hnuah, digital-in January 30 khan Pakistan-ah hian tlangzarh a ni.