TikTok Global Live Fest host atan Keke Palmer

Kumin TikTok Live Fest vawi thumna, February 12-a Planet Hollywood, Las Vegas-a neih tur chu American actress leh singer Keke Palmer chuan a host dawn. American singer leh songwriter Demi Lovato chu special headlining performer a ni bawk ang.

Live Fest hi khawvel hmun hrang hrangah neih a ni bawk dawn a, chung zingah chuan Rome, Dubai leh Thailand-te an tel. Global Live Fest-ah hian Emmy award lo dawng tawh Palmer chu emcee a ni dawn a, Lovati hian a hla hit tak takte leh a album thar bera a hla 'It's Not That Deep' a sa bawk dawn a ni.

Lovato chuan TikTok chu a hman nasat thu leh, Live Fest-a a perform tur pawh a phur tawh thu a sawi. Global Live Fest-ah hian khawvel hmun hrang hrang aṭanga creator, Live space-a nghawng nei lian tak takte an inlan dawn a, gamer aṭanga musician leh educator-te pawh an tel dawn a ni. Creator-te hi category hrang hrang; Power League, Power League Rising Track, Crossover League, Fandom League, Talent League Gaming Track, Talent League Dancing Track leh Talent League Music Track-ahte chawimawina hlan an ni ang.