A$AP Rocky-a'n Vanguard Award for Fashion dawng dawn

American rapper leh record producer, A$AP Rocky chuan NAACP Image Awards-ah Vanguard Award for Fashion a dawng dawn.

Grammy-ah pawh nominate lo ni tawh rapper, actor leh entrepreneur hi fashion leh culture lama a thawh hlawk avangin chawimawina hi hlan a ni dawn. Tun hmaa Vanguard Award lo dawng tawh zingah; Essence, designer June Ambrose, fashion model Bethann Hardison leh Oscar lo dawng tawh costume designer Ruth E. Carter-te an tel.

Kumin Vanguard Award dawng tur, A$AP Rocky hian Black artistry a chawilar bakah, culture hmasawnna, rimawi leh fashion inzawmna siam thar lehin, khawvel pum huap kalphung thar a siam a, ṭhangtharah nghawng ṭha tak a nei a ni, tiin NAACP National Board of Directors vice chair Karen Boykin-Towns chuan a sawi. Fashion khawvelah Rocky hi Ray-Ban leh PUMA creative director a ni mek a, a creative agency AWGE chuan Marine Serre, Amina Muaddi, Selfridges, JW Anderson leh MTV a thawhpui bawk a ni.