Fan-te duh ber XG album thar 'The Core'

Billboard-in kartin a buatsaih ṭhin, rimawi chhuak thar zingah fan-te duh ber thlanna poll a siamah Japanese vocal group XG album thar 'The Core' pakhatna a ni. Kar hmasa chhunga rimawi chhuak thar zingah hian One Direction member ṭhin pahnih Louis Tomlinson leh Harry Styles-te hla thar chhuak mah se XG-te hian duhtu an ngah zawk a ni.

XG full length album thar 'The Core' hian vote tla zawng zawnga 50.71% a hmu phak a, 1D member Louis Tomlinson album thara hla 'How Did I Get Here' chu pahnihnaah awmin 46.38% a hmu a, No.1 nen an inthlau lo hle. Harry Styles single thar 'Aperture' chu pathumnaah awmin vote 2.63% a hmu pha ve bawk.

Japanese girl group XG-ah hian member pasarih an awm a, 'The Core' ah hian track 10 awmin tlangzarh ni khan album track zinga mi 'Hypnotize' music video chu tihchhuah a ni ve nghal bawk. XG-te hian album thar tour hi February thla tir lamah Yokohama, Japan aṭangin khuh hawnna neih an tum.