Noah Kahan album tlangzarh dawn

American singer-songwriter Noah Kahan chuan a album palina tur, 'The Great Divide' chu kumin April 24-ah a tlangzarh dawn tih a puang. He thu hi a social media-ah pholangin, a album cover tur pawh a post nghal a ni.

Kahan chuan project hi Nashville, Guilord Vermont, New York studio, firetower, Only, Tennessee-ahte a ziak tih a sawi. Kum 2022-a a album 'Stick Season' a tlangzarh hnua album a tlangzarh lehna hmasa ber tur a ni. Kahan hian kum eng emaw chen tour neiin, kum 2024 Grammy awards-ah best new artist nomination a hmu bawk.

Tun hnai khan Live Nation Productions, Federal Films, Polygram Entertainment leh RadicalMedia-te chuan Kahan documentary an ti chhuak dawn tih an puang bawk. Documentary film-ah hian a album hmasa 'Busyhead' leh 'I Was/I Am' hmanga mipui ngaihven ni tura a rimawi zingkawng pholan a ni dawn a ni.