Kumin November-ah 'I Play Rocky' tlangzarh dawn

Amazon MGM Studios kutchhuak, 'I Play Rocky' chu Sylvester Stallone iconic boxing film, 'Rocky' kum 50-na anniversary-ah tlangzarh a ni dawn. Film hi Peter Farelly direct a ni a, November 20-ah khawvel pum theatre-ah tihchhuah a ni ang. Original 'Rocky' kha November 21, 1976-ah tlangzarh a ni.

'I Play Rocky' ah hian Anthony Ippolito chu Sylvester Stallone lemah a chang. Script hi Peter Gamble ziah niin, Toby Emmerich, Christian Baha leh Farrelly-te chu producer an ni. FilmNation Entertainment chuan production service leh ram pawna hralh chhuah hna an thawk a ni. A changtute zingah Matt Dillon, AnnaSophia Robb, P.J. Byrne, Toby Kebbell, Tracy Letts, Jay Duplass, Stephan James, Kiki Seto, Robert Morgan, Saul Stein, Trevor St. John, Erik Palladino leh Rob Demery-te an tel.

Ippolito hi Italian-American actor anga a chan vawihnihna niin, Paramount limited series 'The Offer' ah Al Pacino lem a lo chang tawh bawk.