Alex Cooper podcast-ah Rosé

American podcaster Alex Cooper, 'Call Her Daddy' co-creator leh host ni bawk chuan darkar hnih awh special podcast, South Korean girl group BLACK PINK member Rosé a interview-na a tlangzarh. He podcast 'Alex Cooper Presents: A Grammys Special (ft. Rosé)' tih hi platform hrang hrang; YouTube, Spotify, Apple Podcasts leh SiriusXM-ah nimin Nilaini, an ram huna zing dar 5-ah premiere a ni.

Podcast-ah hian Cooper chuan Rosé hi Asia hmun hrang hrangah a interview a, chung zingah chuan Seoul-a cafe, pocha, Rosé recording studio, karaoke stall leh Tokyo-a lounge-te an tel.

Rosé hian Grammy Awards vawi 68-na, February 1-a neih turah a hla hit, Bruno Mars nena an sak 'APT' hmangin nomination pathum - record of the year, song of the year leh pop duo/group performance-te a hmu. Hei bakah 'F1 The Album' a a hla 'Messy' chuan soundtrack for visual media-ah nomination a hmu bawk.