'Study Group' season 2 ah Hwang Minhyun chang dawn leh dawn

South Korean streaming television service TVING drama hit, 'Study Group' season hnihnaah Hwang Minhyun a chang leh dawn. January 27 khan production team chuan a role ngai Youn Ga Min lemah a chang leh dawn tih a puang.

Hwang Minhyun hi he drama hlawhtlinna atana mi pawimawh tak niin, season hnihna pawh a hlawhtlin leh hle a rinawm. School action-comedy drama hi webtoon lar tak 'Study Group' tih behchhana siam a ni a, Youn Ga Min (Hwang Minhyun) chu zirna lama mi hlawhtling tak nih tum, insual thiam lemah a chang a ni.

Webtoon production company YLAB chuan season hnihnaah hian Youn Ga Min leh study group member-te inṭhianṭhatna thuk tak tihlan a ni dawn a, Yuseong Technical High School mai ni lo, ram pum huapa zirlaite tibuaitu sual pholan a nih dawn bakah an beihlet dan hmuhnawm takin an chang dawn tih a tarlang.