Meta-in premium subscription IG, FB, leh Whatsapp-ah enchhin dawn

Social media platform lian hrang hrang enkawltu, Meta chuan Thawhṭanni khan an app enkawlte chu premium subsription tih theih tura siam danglamna enchhin a nih tur thu a puang. Subscription enchhin tur hian user-te tan zau zawkin thiltih theih a neih tir dawn bakah AI hman theihna huang pawh a zauh tel dawn niin an tarlang.

Meta chuan premium chu Facebook, Instagram, leh Whatsapp-ahte tun hnaiah kalpui tum a nih thu an sawi a; user-te chu special features leh an thil share theihah thuneihna zau zawk a pek bakah core experience chu a la free reng tho dawn a ni. Thil pakhatah chauh insawrbing loin bundle hrang hrang subscription aṭang hian a awm tel dawn tih an tarlang tel bawk.

Paid Subscription kalpui dan turah hian Instagram bikah user-te chuan unlimited audience list an siam theih bakah, an follow zinga follow back lotu hmuh theihna awlsam tak awmin, story pawh a post-tu hmuh theih lohin a en theih dawn bawk. Hetih laiin Whatsapp leh Facebook-ah engtin nge a awm dawn tih a la hriat ve loh thung.