'Mercy' in Box Office aṭangin Avatar 3 a nek chhuah beisei

Amazon MGM Studio kut chhuak, Chris Pratt channa sci-fi thriller 'Mercy' chu vawiin hian tlangzarh a ni dawn a, he film hian kar nga chhung Box Office No.1 lo ni tawh 'Avatar: Fire & Ash' chu top spot aṭang hian a nek chhuah theih beisei a ni. Timur Bekmambetov direct 'Mercy' film hi USD mtd 60 senga siam niin PG-13 rating a ni a, tihchhuah karah hian theater 3,400 aṭangin USD mtd 13 a hmu chhuak thei turin an chhut.

Mercy film-ah hian detective anga chang Pratt chu a nupui thata puh niin tunlai thiamna AI judge hmaah a chungthu rel tura dah a ni a, AI Judge atan hian Rebecca Ferguson a chang a ni. Film plot tam zawk hi Mercy Chair thiltih theihna leh AI hmanga siam judge Maddox-in evidence hrang hrang awmte hmanga minute 90 chhung defendant Chris Raven nen an indawr dan tarlanna a ni. Film kalhmang hi tunlai nena inmil leh danglam tak a nih vangin box office lamah pawh beisei a san phah hle.