Senegal-a UNICEF chhawmdawl hna thawhna Gigi Hadid-i'n a tlawh

Victoria Secret star Gigi Hadid chuan Thawhṭanni khan Dakar, Senegal-a  United Nations Children's Fund (UNICEF)-in hmeichhe chhawmdawlna hna a thawhna hmun a tlawh.

Supermodel hlawh hnem ber zinga mi Gigi Hadid hian a larna hmang ṭang­kaiin, Instagram lama a follower mtd. 50 chuang hnenah hmeichhia, nu leh an fa tihduhdahna tawkte nundan chung­chang sawichhuakin awareness-te a nei nghal.

Gigi hian Instagram lamah UNICEF t-shirt dum haa naupang a infiampuina video vel a post a, naute a pawm lai video-te pawh hmuh tur a awm. UNICEF nen ṭangkawp hian nikum August thla pawh khan Bangladesh-a raltlan hmeichhiate a lo tlawh tawh bawk. "Hmun tlawh duh bik ka nei lo. UNICEF hian an mamawhna apiangah min tir mai se ka duh a ni," tiin Gigi hian a sawi.

UNICEF USA CEO Caryl Stern pawhin Gigi hi a fak hle a, "Khawvel ṭha zawk siam duhna tak tak a nei niin ka hria. Ka hnenah lokalin naupang zawng zawngin naupan lai duhawm tak an neih a ṭul thu a rawn sawi a ni. A tihtur ṭha takin a ti a, thianghlim taka UNICEF-in hna a thawhna hian amah pawh a hip a ni," tiin a sawi a ni.