'God of War' live-action-ah Ryan Hurst chang dawn

Video games lar tak leh ngaihven hlawh tak mai, 'God of War' live-action movie siam turah Kratos lem atan Ryan Hurst a chang dawn a, Hurst hian video games version-ah khan Norse god Thor aw a lo thawh tawh bawk. Live-action series hi Amazon Prime Video-ah pek chhuah a ni ang.

Report ṭhen khatin a tarlan danin series siam turah hian Kratos leh a fapa Atreus te zinkawng tarlan a ni dawn a ni. Plot tarlanah hian Kratos chuan a fapa chu pathian ṭha tak ni tura zirtir tumin, Atreus hian a pa hi mihring fel tak nih a zirtir ve dawn thung a ni.

Amazon kaltlanga siam tur 'God of War' hi shooting ṭan tawh niin, Sony Pictures Television leh Amazon MGM Studios-te co-produce a ni a, PlayStation Productions leh Tall Ship Productions te nen an thawk ho dawn bawk.