'Tangled’ live-action movie-ah Teagan Croft leh Milo Manheim

Disney live- action movie ‘Tangled’ ah Australian actress, Teagan Croft leh American actor Milo Manheim an chang dawn. Croft hian Rapunzel lem a chang dawn a, Milo hian Flynn Rider a chang dawn a ni.

Kum 2010-a tihchhuah animated movie ‘Tangled’ ah khan Mandy Moore leh Zachary Levi-te chuan an aw an thawh a, khawvel pumah USD mtd 591 a la lut a ni. Kum 2012 khan short film “Tangled Ever After” tih chhuah leh niin, Disney Channel series hlawhtling tak “Rapunzel’s Tangled Adventure” tih chhuah a ni bawk.

“Tangled” live-action hi Michael Gracey chuan a direct dawn a, Jennifer Kaytin Robinson-i’n screenplay a ziah dawn bakah, Kristin Burr chu producer a ni dawn a ni. Production kimchang leh tlangzarh hun tur erawh puan a la ni lo.